Азнакайлылар билбаулы көрәш буенча республика чемпионатыннан җиңү белән кайттылар

11-14 апрельдә  Алабуга шәһәрендә ир-атлар һәм хатын-кызлар арасында билбаулы көрәш буенча Татарстан Республикасы чемпионаты үтте. Ярышларда 150 спортчы бил алышты. Азнакай районы җыелма командасы составында чыгыш ясаган Илфат Миңнегалиев 57 килограмм авырлыкта чемпион калды. Риана Шәрәфетдинова, Алмаз Гәрәев, Айзат Галиуллин, Илшат Шәрапов өченче урыннарны яуладылар. Көрәшчеләрнең тренерлары: Айрат  Миңнегалиев, Зөлфия Гардиева, Артур Миңнеханов.