Сан алуга җитди карыйк

Шул нәүбәттән “Маяк”та үземнең фикерләрем белән уртаклашасы килеп китте. Берәүләребез бу кампаниягә тик торганнан бер эш дип караса, икенчеләре тормышкөнкүрешләр уңайга китмәсме дип өметләнә. Әйе, һәркем аны үзенчә кабул итә, фикерли. Әмма сан алуга җаваплы карасак иде. Берчак шулай бер танышымнан: “Аларга нигә минем яшем, милләтем...”, – дигән тискәре фикер ишетергә туры килде. Бу бер дә дөрес түгел инде. Шөкер, республикабызда толерантлык вәзгыяте хөкем сөрә, мәҗбүриләп милләт “ясау” юк. Ә нигә үзеңнең яшеңне, милләтеңне яшерергә? Бу дөньяга бер генә киләбез, үзең белән горурланып яшәргә кирәк. Әйдәгез, җәмәгать, халык санын алу кампаниясенә бик җитди карыйк, сорауларга чынбарлыктагыча җавап бирергә әзер торыйк. Исем-фамилия куелмагач, ни әйтсәң дә ярый, дигән ялгыш фикер башка кереп тә чыкмасын. Милли багланыш-кыйммәтләрне саклау, яклау вәзгыятендә бердәм булмасак, милләтебезнең киләчәге нинди булыр?!

Нурия Хәмитова, авыл хуҗалыгы ветераны