Күрүчеләр юкмы?

Россия Эчке эшләр министрлыгының Азнакай районы буенча бүлеге 1985 елгы удмуртияле Сибирев Николай Васильевичны эзли. Ул агымдагы елның 25 маенда Удмуртиядән Азнакайга эшкә дип килә, Соңгы тапкыр 29 май көнне аны Әгерҗе авылы янында күрәләр, соңрак Азнакай Сабан туенда күрергә да мөмкиннәр.

Билгеләре: карап торышка 30 яшьлек, озын буйлы, яшел күзле, чәче ачык-коңгырт төстә, кыска итеп алынган. Уң як битендә миңе бар.

Өстендә кара зәңгәр төстәге спорт курткасы, кара зәңгәр чалбар, аягында кара төстәге артсыз резин түфли (шлепанцы) булган.

Н.В.Сибирев турында нинди дә булса мәгълүматка ия кешеләрнең 02 яки 7-30-87 телефон номерлары буенча шалтыратулары сорала. Анонимлык гарантияләнә.