Азнакайда район хатын-кызларын бәйрәм белән тәбрикләделәр
Бүген район-шәһәр Мәдәният сараенда язның беренче бәйрәме - 8 Март - Халыкара хатын-кызлар көне уңаеннан зур бәйрәм чарасы оештырылды.
Гүзәл затларыбызны тәбрикләп, район башлыгы Марсель Шәйдуллин аларның һәркайсына изге теләкләрен җиткерде.
- Хатын-кыз табигатьнең бар назын, яктысын, җылысын йөрәгенә туплаган, ул мәхәббәт, яшәү чыганагы булып тора. Сез бөек җиңүләргә рухландыручы да, гаилә учагын саклаучы да, тормышыбызны гөлгә-ямьгә төрүче дә. Барысы өчен дә рәхмәт! — диде җитәкче.
Соңыннан Марсель Шәйдуллин бер төркем хезмәт алдынгысына дәүләт һәм тармак бүләкләре дә тапшырды.
Бәйрәм "Казан егетләре", районыбыз үзешчәннәренең моңлы һәм дәртле чыгышлары белән үрелеп барды.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев