Азнакай активистлары махсус хәрби операциядә катнашучылар өчен маскировка сеткалары әзерли

Алар хәрби операциягә маскировка сеткалары әзерлиләр. Бу сугыш зонасындагы мөһим әйберләренең берсе. Маскировка сеткасы индивидуаль дә, коллектив өчен дә була ала. Чубар Абдул авылында яшәүчеләр әлеге хәрәкәткә кушылып, камуфлаж челтәрләрен мөстәкыйль әзерләп, безнең солдатларга ярдәм итәргә алындылар.

«Маскировка сеткасын төрле төсле тукымаларны гади балык ятьмәсенә үреп ясыйбыз. Әбиләребез туку нечкәлекләрен өйрәтеп торалар - ди Чубар Абдул мәдәният йорты директоры Айназ Әхмәтшина. - Хатын-кызларыбыз  бу ирекле эшкә бик теләп кушылалар. Бергә мәдәният йортында җыелабыз, кемдер тукыманы алып килә, кемдер аны тасмаларга кисә, икенчеләре тукыманы челтәрнең үзенә үрә.”