“Инвалид” билгесе астында машинасын калдырган 21 азнакайлы җаваплылыкка тартылган

Шәһәребездә инвалидларга машиналарын кую өчен аерым урыннар билгеләнгән. Әмма Азнакайда мондый билгеләргә игътибар итмичә, машиналарын әлеге урыннарга куеп китүчеләр дә юк түгел.

– Ел башыннан районыбызда машиналарын инвалидлар өчен билгеләнгән аерым урыннарга куеп киткән 21 азнакайлга беркетмә төзелеп, алар административ җаваплылыкка тартылды, – ди район ЮХИДИ бүлеге начальнигы Ренат Гайнетдинов.

Мондый очракларны ачыклау нигезендә районда рейдлар да уздырылып тора. Инвалидлар өчен билгеләнгән урыннарга машинасын куйган кешегә, әгәр ул үзе бу социаль категориягә кермәсә, 5 мең сум күләмендә штраф каралган.