“Маяк” газетасы редакциясе Азнакай почтальоннарына бүләкләр әзерләде

Газетага язылу кампаниясен уңышлы үткәрүдә төп ярдәмчеләребез, әлбәттә, хат ташучылар. Бу көннәрдә “Маяк” газетасы баш мөхәррире Фәрхәт Шәйхулов почтамтта җитәчелек, почта хезмәткәрләре белән очрашты. Ул редакция һәм почтамт коллективларының бу юнәлештә максатларны уртак итеп, тыгыз элемтәдә эшләвен әйтеп узды, залда утыручыларның барысына да үзара хезмәттәшлек өчен рәхмәт белдерде һәм киләсе яртыеллыкка газетага яздыруда да шулай актив булуларын теләде.

Язылу кампаниясе чорында редакциябез һәрвакыт хат ташучылар һәм элемтә бүлекләре арасында бәйгеләр оештырып, иң алдынгыларны бүләкли. Быел да без иң алдынгы почтальоннарга бүләкләр әзерләдек. Алар өч номинациядә билгеләп үтеләчәк: “Иң яхшы авыл почтальоны”, “Иң яхшы шәһәр почтальоны”, “Иң яхшы элемтә” бүлеге.

 Бәйге төгәлләнергә вакыт күп калмады. Әйдәгез, Азнакай хат ташучылары, бәйгедән быел да дә читтә калмагыз, актив катнашыгыз.

ПОЛОЖЕНИЕ КОНКУРСА