Декабрь чана юлы сала

Татарларда 21 ноябрьдән 21 декабрьгә кадәрге вакытны «керәү ае» (авылча атамасы - «акъюл ай») дип әйткәннәр, ягъни кар кери торган, чана юлы салынган вакыт.

 Декабрь аена халык сынамышлары:

• 1 декабрьдә җылы булса, кыш та йомшак килә, суытса - кырыс кыш көтелә.
• Көчле җил чыкса, еш бураннар булачак, һава торышы кинәт үзгәрсә, бер туңдырып, бер эретеп торачак.
• Декабрьдә боз сөңгеләре озын, кар көртләре калын икән -- уңыш мул була.
• Кыш җылы икән, җәй салкын булыр.
• Кышын кар күп булса, иген уңар.
• Декабрь коры булса, яз һәм җәй дә яңгыр булмас.
• Кыш бәс, томан булса, җәй иген уңа.
• Кыш сыкы булса, җәй алма була.