Азнакайлылар радиоспорт буенча Россиядә беренче!
Азнакайның өч егете радисоспорт буенча Россия беренчелегендә катнашып, чемпион булдылар.
25 июнь көнне район башлыгы Марсель Шәйдуллин радиоспорт белән шөгыльләнүче балалар белән очрашты. Алар – Россия беренчелегендә беренче урын яулаучылар.
Радиотүгәрәк җитәкчесе Ринат Вәлиев кул астында шөгыльләнүче Ризван Хаҗиев, Эмиль Вәлиев һәм Даниэль Вәлиев яшьләр арасында кыска дулкыннардагы радиоэлемтә буенча Россия күләмендә җиңү яуладылар.
– Егетләр чыгыш ясаган RC4P командасы район ДОСААФ бүлегенә карый. Без үзебезнең эшчәнлектә аның җитәкчесе Гәрәй Хәмидуллинның да ныклы ярдәмен тоябыз. Россия беренчелегендә җиңү яулаучы егетләребезгә 7-11 яшь. Мондый яшьтә шундый зур уңышларга ирешеп, пьедесталның беренче баскычына күтәрелүчеләрне мин хәтерләмим, – ди Ринат Вәлиев.
Район башлыгы спортчыларны җиңүләре белән тәбрикләп, аларга тәрбия һәм дөрес юнәлеш биргән әти-әниләренә дә рәхмәт сүзләрен җиткерде.
Фото: aznakayevo.tatarstan.ru
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев