Азнакайда чаңгы ярышлары узды (ФОТОРЕПОРТАЖ)

6 февральдә Азнакайда республика чаңгы ярышларының 4 нче этабы узды. Ул совет гаскәрләрен Әфганстан Республикасыннан чыгару көненә багышланган иде.

Чаңгычылар скиатлон буенча көч сынаштылар. Анда 44 спортчы катнашты: 20 мәктәп укучысы, 16 ир-ат һәм 8 хатын-кыз.

Җиңүчеләрне бүләкләү тантанасында район Советы аппараты җитәкчесе Айдар Хәлиуллин, Азнакай районы хәрби хәрәкәтләр ветераннары җәмгыяте рәисе Илсур Идиятов та катнашып, чаңгычыларга алга таба да уңышлар теләделәр.

Үз яшьлекләр арасында алтын медальләрне түбәндәге чаңгычылар яулады: Рәйлә Госманова (Актүбә бистәсенең 2 нче мәктәбе), Алия Мөнирова (Актүбә бистәсенең 3 нче мәктәбе), Камил Сабирҗанов (Актүбә бистәсенең 2 нче мәктәбе), Рамил Сәхбиев (4 нче лицей), Миләүшә Хөснуллина, Рәзилә Шәрипова, Шамил Корбыев, Фәйрүз Гәрәев, Айрат Гафуров, Данис Мусин, Мисбах Халиков.