Азнакайлылар көрәш буенча республика турнирыннан җиңү белән кайттылар

Сарманда СССРның спорт остасы, ирекле көрәш буенча РСФСР чемпионы Хаҗип Гәрәев истәлегенә 2003-2005, 2006 елгы һәм аннан кечерәк яшүсмерләр арасында көрәш турниры үтте.

Республика ярышларында Татарстанның 87 көрәшчесе бил алышты. Киеренке көрәштә Азнакайдан Илфат Миңнегалиев - 60, Алмаз Гәрәев 55 килограмм авырлыкта чемпион калдылар. Рияз Вәлиев һәм Илшат Шәрапов үз үлчәүләрендә өченче булдылар. 

Команда беренчелегендә азнакайлылар өченче урынны алдылар. 

Спортчыларның тренерлары: Айрат Миңнегалиев, Артур Миңнеханов.