Азнакайда армрестлинг буенча район турниры үтте

Шәһәрнең "Чатыр-Тау Арена" спорткомплексында армрестлинг буенча район ярышы узды. Аны ачу тантанасында катнашкан район Советы аппараты җитәкчесе Айдар Хәлиуллин, районның көрәш федерациясе җитәкчесе, “Таллы Бүләк” хуҗалыгы рәисе, кул көрәше буенча Россиянең спорт остасы Наил Мотыйгуллин  егет-кызларга уңышлар теләделәр.

Кул көрәше үсешенә керткән өлешен лаеклы бәяләп, Айдар Хәлиуллин Наил Мотыйгуллинга район башлыгының Рәхмәт хатын тапшырды.

Ярышлар балалар һәм өлкәннәр арасында уздырылды.

Турнирда яшүсмерләр арасында Радель Хафизов (8 нче мәктәп укучысы), Айнур Бакиров (Чалпы мәктәбе), Илназ Зарипов (2 нче мәктәп), Рания Гардиева («Корыч куллар” командасы), Ләйсән Фәтхуллина (Сарлы мәктәбе), Гадел Фәезов (8 нче мәктәп),  Альмир Заһидуллин (2 нче мәктәп), Фәрит Ихсанов (гимназия), Алия Корбанова (гимназия), Диләрә Зәкиева (Чалпы мәктәбе) җиңү яулады

Өлкәннәр арасында  Регина Гәрәева ( гимназия),  Диана Васильева (техникум), Руслан Хәйруллин,  Раил   Морзакаев,  Рәмис Кәлимуллин, Артур Тимербулатов (“Корыч куллар”) җиңү яуладылар.