Бүген иртән Бакуга очасы урныга Истанбулга юл токан татар эстрадасы йолдызы Данир Сабиров.
Азнакай | 25 июнь | Чит илгә җыенсам, һичшиксез, берәр киртә килеп чыга, дип зар түгә якташ артистыбыз.
Бүген ул Казаннан Мәскәүгә кузгалган, Мәскәүдән Бакуга очарга тиеш булган. "Задержка булу" сәбәпле соңга калган.
– Котырдым, акырдым, тынычландым. Нишләргә дигәч, безне җибәрделәр хәзер... Истанбулга, – дип ниндидер мөләем сарказм белән елмая Данир видеода.
Бер тапкыр шулай Азнакайга кайтканда ялгыш Аксубайга барып чыкканы турында ул комментарийда язган. "Бу юлы да шулайрак булды", – дип өстәгән артист.
– Аксубайга килсәң, бик шәп булыр, көтәбез! – дип чакыралар Данирны шул як кешеләре.
– Вау! Как здорово! Тебя, Данир, везде любят и ждут. Ты – сердце Татарстана. Мне кажется, когда ты даже злишься, от тебя исходит тепло и солнце. Солнышко ты наше, свети всегда и везде! Мы тебя любим, – дип мәхәббәтен белдерә кызлар.
– Кәмит инде шушы Данир! Чыгышлары гына тугел, сәяхәтләре дә кешечә булмас. Әйдә, төрекләрнең дә күзләре ун булсын, пыр китереп кайт, – дип язалар комментарийларда.
– Кая йөрсәң дә, башың исән булсын! Тынычлангач, әйбәт инде ул, – дип юата аны халык һәм Данир Сабировка хәерле юллар, исән-имин әйләнеп кайтуын тели.
Фото: скриншот
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев