Азнакай халкы Ураза гаетен каршылый
Азнакай районы мәчетләрендә бәйрәм намазлары укылды.
Азнакай | 15 июнь | Таңсылу САНИЕВА | Бүген шәһәр һәм район мөселманнары ислам дөньясындагы иң зур бәйрәмнәрнең берсе булган Ураза гаетен зурлап бәйрәм итте.
Бәйрәм чарасы иртәнге сәгать алтыда имам-мөхтәсиб Азат хәзрәт Талибуллинның вәгазе белән башланып китте, ә инде сәгать җидедә шәһәребез һәм районыбызның һәрбер мәчетендә Гает намазлары укылды.
Гадәттәгечә, мөэмин-мөселманнарыбызны җитәкчеләребез дә бәйрәм белән котлап, изге теләкләрен җиткерде.
Ак мәчеттә узган гаеттә район башлыгы Марсель Шәйдуллин үзе дә катнашып, һәркемнең гаиләсенә татулык-иминлек теләде.
Бүген шулай ук ай дәвамында Ураза тотып, тәравих намазларына йөргән дин кардәшләребез район хакимияте тарафыннан “Акчарлак” ресторанында әзерләнгән бәйрәм табынына җыелачак.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев