Күңел җылысын кушып

Бу Азнакай халкының бердәмлеген, күңел җылысын һәм ватандашларыбызга булган тирән хөрмәтен чагылдырган мөһим чара. 

Азнакай халкы бердәм булып изге эшкә алынды. Кемгә генә. нинди генә оешма-предприятиегә мөрәҗәгатҗ итмик, берсе дә кире какмады, егетләребез сораган һәм барлык кирәкле әйберләрне хәзерләделәр. Бүген 4 машина йөк озатабыз. Анда ир-егетләребез сораган техника, көнкүреш әйберләре, маскировка челтәрләре, җылы киемнәр, медикаментлар... һәм әлбәттә, тәм-том, ризыклар. Шулай ук егетләребез сораган аерым ярдәмнәр дә оештырылды. Һәркемгә зур рәхмәт,

–  диде район башлыгы Айдар Шәмсетдинов. 

Азнакайлылар элек-электән ярдәмчел һәм бердәм булдылар. Район халкы, волонтерлар, депутатлар... һәммәсе бердәм булып ярдәм итәләр. Ярдәмне хәзерләүдә көч куйган һәркемгә –  игелекле йөрәкле булганнары, егетләребезгә ныклы таяныч булганнары өчен зур рәхмәт,

–  диде гуманитар ярдәмне озатуда катнашкан Дәүләт Думасы депутаты Марсель Шәйдуллин. 

Хәерле сәгатьтә! Якташларыбыз хәзерләгән ярдәмнәр егетләребезгә барып җитсен! Алар безнең күңел җылыбызны, таянычыбызны тойсыннар!