Сирена ханымнан "татарча ханум" рецепты

Үзбәкләрнең бик яратып, үзләренчә "ханум" дип атаган бу ризыкны сайтыбызда инде рецептлары белән шактый уртаклашкан Сирена Галләмова "татарча ханум" дип исемләгән.
Ә рецепты менә шулай: суган белән кишерне кырып, ит фаршына кушарга. Йомырка, су, тоз, бераз майонез салып ясалган камырны токмачныкыннан юкарак итеп җәеп, катнашманы өслеккә тигез итеп салырга. Аннары рулет итеп төрергә. Манты савытында парда пешереп алырга. Табынга кисеп куярга. Бик тәмле. Аны кырып, суы сыгылган бәрәңге кушып әзерләргә дә була.