“Фәрештәләр күз яше” пирогы рецепты

Камыр өчен: он 250 гр; камыр йомшарткыч (разрыхлитель) ярты чәй калагы; 3-4 кашык шикәр комы; 100 гр. ак май; 3 данә йомырка сарысы. Камырны басабыз да 10-15 минутка суыткычка куеп торабыз.

Эчлек өчен: 300-400 гр. эремчек; 4 йомырка; 1 стакан шикәр комы; 100 мл. куе сөт (10%); чеметем генә ванилин; 3-4 кашык кибет каймагы, ярты чәй калагы манный ярмасы. Барысын бергә блендер ярдәмендә туглыйсы. Камырны табага җәеп, кырыйларын күтәртәсе. Эчлекне салып, газ миченә (160-180С) 30-40 минутка пешерергә куясы.

Өслеге өчен: 4 йомырка агы, 4 аш кашыгы шикәр комы. Миксер ярдәмендә 5-7 минут күпертәсе.

30-40 минут пешкәч, пирогны алабыз, өстенә күпертелгән йомырка агын җәябез дә тагын 5-7 минутка газ миченә пешерергә куябыз. Кызаргач әзер дигән сүз. Пирогны суыткач кына кисеп табынга бирәбез.