Азнакай хуҗабикәләренә Тәския Вагыйзовадан бик тәмле борщ рецепты

1 килога якын сөякле итне сәгать ярым кайнатып, итен алып сөзәбез һәм кәбестә турап салабыз. Табада суган белән кишер кыздырып, шулар янына кырып чөгендер, 2-3 аш кашыгы томат пастасы, 1-2 аш кашыгы уксус, 1 аш кашыгы песок, әз генә кайнатылган су салып төнәтергә (тәмләткечләрне теләк буенча кушарга), ин соңыннан 2-3 тырнак сарымсак салырга була. Кәбестә янына бәрәңге, консервалы фасоль белән лавр яфрагы салып, аннары бөтенесен бергә кушып, 5-10 минут газны кысып кайнатырга.

Сүндергәч 10 минут тотсаң, бигрәк тә тәмле була.