Азнакайлылар өчен кабак белән апельсиннан бик тә тәмле сок рецепты
Азнакайлылар игътибарына кабак белән апельсиннан бик тә тәмле һәм файдалы сок рецепты тәкъдим итәбез.
Кабакны (уртача, 5 кг. га якын) савытка шакмаклап турап тутырабыз һәм аңа су салып (11 литрга якын) кечкенә генә утта, ярты сәгать чамасы пешерәбез. Кайнап чыгар дәрәҗәгә җиткәч 6 апельсинны кабыгыннан арындырып бу массага салабыз. Кабак белән апельсин изелеп пешергә тиеш. Икенче кастрюлгә сөзә барабыз, аннан төбендә калган пешкән кабак белән апельсинны блендер белән изәбез һәм шикәр комы (1200 граммга якын), 2 аш кашыгы лимон кислотасы салып, ул эреп беткәнчегә кадәр 5 минут тагын кайнатабыз. Өстенә чыккан күбекләрне җыярга кирәк. Сок кайнап чыккач, кайнар килеш банкаларга агызып, ябып куябыз. Бу күләмнән барлыгы 15 литр сок чыга.
Сокларыгыз тәмле булсын!
фото архивтан
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев