10 июнь көнне район балалар китапханәсендә төбәгебез шагыйре Әнәс Кариның 95-еллык юбилее уңаеннан, шагыйрьнең тормышы һәм иҗатына багышланган "Ул балалар ярата иде" дип исемләнгән әдәби-музыкаль кичә узды. Бу чарада "Айсылу" балалар бакчасында тәрбияләнүчеләр, 8 урта мәктәп каршында оештырылган лагерь балалары катнаштылар. Кичәне Буралы авыл китапханәчесе Фәхриева Вәсимә театральләштерелгән чыгышы белән...
10 июнь көнне район балалар китапханәсендә төбәгебез шагыйре Әнәс Кариның 95-еллык юбилее уңаеннан, шагыйрьнең тормышы һәм иҗатына багышланган "Ул балалар ярата иде" дип исемләнгән әдәби-музыкаль кичә узды. Бу чарада "Айсылу" балалар бакчасында тәрбияләнүчеләр, 8 урта мәктәп каршында оештырылган лагерь балалары катнаштылар. Кичәне Буралы авыл китапханәчесе Фәхриева Вәсимә театральләштерелгән чыгышы белән башлап җибәрде. Сухояш авыл китапханәчесе Давлетова Илсияр сәнгатьле итеп шигырь укуы, ә оныгы - Исхакова Кәмиләнең Әнәс Каринең "Ләйсән ява" исемле җырын башкаруы барысының да күңелләренә хуш килде. Татарстанның Атказанган мәдәният хезмәткәрләре Нигат Фәррах улы Мозаффаров үзенең истәлекләре белән уртаклашты, ә Марсель Мөхәммәтша улы Гарипов Әнәс Кариның шигырьләрен укыды. Азнакай шәһәре 5 урта гоммуми белем һәм инглиз телен тирәнтен өйрәнү мәктәбе татар теле һәм әдәбияте укытучысы Гөлфия Мохтар кызы Нургалиева, 9 нчы гоммуми урта белем бирү мәктәбе башлангыч сыйныф укытучысы Сәмәркәнова Фәйрүзә Әхтәм кызының чыгышлары кичәне тагы да тулыландырды. "Мирас" бию коллективы балалары башкаруындагы биюләр һәм 8 нчы нчы гоммуми урта белем бирү мәктәбе укучылары Нуриева Алия, Фархутдинова Исламия башкарган җырлар очрашуга ямь өстәде. Очрашуга килгән 8 нчы гоммуми урта белем бирү мәктәбе укытучысы Шәфигуллина Фәридә Фәрит кызы кунаклар исеменнән Район балалары китапханәсе китапханәчеләренә шушындый кичәне оештырган өчен рәхмәтен белдерде.
Нет комментариев