Яшь инспекторлар сынатмады

"Юл хәрәкәте яшь инспекторларының иң яхшы отряды һәм иң яхшы отряд җитәкчесе" республика конкурсында шәһәребезнең 4 нче урта мәктәбе призер булды. Ә Азнакай Балалар иҗаты үзәге "Иң яхшы агитбригадалар" номинациясендә җиңүче дип табылды.

"Татарстан Республикасында юл хәрәкәте куркынычсызлыгын арттыру" республика максатчан программасы кысаларында үткәрелгән әлеге бәйгене ТР Мәгариф һәм фән министрлыгы ТР Эчке эшләр министрлыгының ЮХИДИ идарәсе белән берлектә оештырды. Ул балалар травматизмын киметүне, яшь инспекторлар хәрәкәте эшчәнлеген активлаштыруны максат итеп куйды.