ҖӘМГЫЯТЬ
Азнакайда төрмәдән кайткан кешеләргә тормышка җайлашырга ярдәм итәчәкләр
Бу проект төрмәдән Азнакайга кайткан кешеләргә җәмгыятьтә үз урыннарын табарга ярдәм итүне максат итеп куя Азнакайда радикаль ислам концепцияләре тарихы һәм барлыкка килү нигезләре, кешеләрне радикаль төркемнәргә җәлеп итү факторлары турында укулар узды. Шулай ук төрмәдән кайткан кешеләргә тормышка җайлашырга ярдәм итү хакында да сөйләштеләр. Әлеге укуларны Казан (Идел буе)...
Бу проект төрмәдән Азнакайга кайткан кешеләргә җәмгыятьтә үз урыннарын табарга ярдәм итүне максат итеп куя
Азнакайда радикаль ислам концепцияләре тарихы һәм барлыкка килү нигезләре, кешеләрне радикаль төркемнәргә җәлеп итү факторлары турында укулар узды. Шулай ук төрмәдән кайткан кешеләргә тормышка җайлашырга ярдәм итү хакында да сөйләштеләр.
Әлеге укуларны Казан (Идел буе) федераль университетының Ислам һәм ислам фәне мәгарифен үстерү буенча ресурс үзәге Азнакай муниципаль районы башкарма комитеты белән берлектә оештырды.
Сәяси фәннәр кандидаты, сәясәтче, Татарстан Республикасы Фәннәр академиясенең Ислам гыйлемен өйрәнү үзәге җитәкчесе Ринат Патеев, Үзәк белгече Валерий Горшунов лекцияләр белән чыгыш ясадылар.
"Иҗтимагый реабилитация һәм адаптация үзәге" дип исемләнгән автоном оешма җитәкчесе Азат Гайнетдинов һәм юрист Рамил Хисамов үзәкнең эшчәнлеге белән таныштырып уздылар. Бу үзәк төрмәдән кайткан кешеләргә төрле яклап ярдәм күрсәтүне, аларга җәмгыятьтә үз урыннарын табарга, тормышка җайлашырга ярдәм итүне, гади сүз белән әйткәндә, хокук бозмыйча матур итеп яшәргә өйрәтүне максат итеп куя.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев