Азнакайда авариядә тән җәрәхәте алган 4 бала махсус креслосыз булган

Балаларның куркынычсызлыган тәэмин итү төп бурычларның берсе булып тора.

- Узган елның шушы чоры белән чагыштырганда хокук бозулар саны кимеде (былтыр - 7, быел 4 очрак теркәлгән). Профилактик исәпкә 48 балигъ булмаган куелган (узган ел - 45). Әмма быел административ җаваплылыкка тартылучылар саны арткан. Узган ел 406 булса, быел - 518 кеше, - дип билгеләп үтте Эчке эшләр бүлегенең балигъ булмаганнар эше буенча бүлекчә начальнигы Руслан Курбиев.

- Быел Азнакайда юл-траспорт һәлакәтендә 4 бала тән җәрәхәте алган, аларның барысы да махсус креслосыз булган, - дип хәбәр итте Юл хәрәкәте иминлеге дәүләт инспекциясенең Азнакай бүлеге инспекторы Илдар Исхаков.

Полиция капитаны кичке якта балаларның киемендә яктырткыч билгеләр булуның да бәхетсезлек очракларыннан саклавын билгеләп үтте.

Резеда ШӘРИПОВА