Азнакай ветераннары мегаферманы санаторийга тиңләделәр - ФОТОРЕПОРТАЖ

Яктылык пәрдәсе төшүгә йокыларыннан уянып, фермалар, иген кырларына ашыккан, эшчәнлекләре авыл хуҗалыгы белән бәйле ветераннар делегациясе чәршәмбе көнне "Союз-Агро" хуҗалыгы меге-фермасында кунакта булдылар.

- Көн-төн өенә кайтып кермәгәнлектән, балалары: "Әти кайда ул безнең?" дип сорап биреп тинтерәткән ветераннарыбызны бүгенге көн казанышлары белән таныштырасы килде", - ди район ветераннар советы рәисе Миргасим Кәримов.

"Бу ферма мени? Бу санаторий бит" , - диештеләр ветераннар мондагы технологияләр: роботлар, чистарту щеткалары... һәм башка җайланмаларга соклануларын яшерә алмыйча. Ни дисәң дә, алар бит аякларына резин итекләр киеп, кулларына авыр, сөтле чиләкләр тоткан сыер савучыларны, тирес өемнәрен чистартучы терлекчеләргә күнеккән совет чоры ветераннары.

Әлеге очрашу турында тулырак материалны газетабызның алдагы саннарында укырсыз

Нәсимә ФАЗЛЫЕВА