Азнакай парклары – халыкның яраткан ял урыны

Шәһәребездә соңгы елларда бик күп күркәм ял урыннары пәйда булды. Җиңү һәм Гаилә паркларын азнакайлылар үз итте. Уку елы башангач, биредә мәктәп укучылары өчен төрле чаралар оештырыла. Азнакай 1 нче урта мәктәбенең 5 нче сыйныфлары да районның 85, "Азнакайнефть" идарәсенең 60 еллыгына багышланган "Әдәби парк" дигән чарада катнаштылар. Аны район үзәк китапханәсе хезмәткәрләре оештырды. Укучылар туган ягыбыз тарихы, аның кешеләре турында нәшер ителгән китаплар белән таныштылар.