Планнан тыш 5560 метр

Азнакай бораулау эшләре предприятиесе коллективы 2011 елда җиткерелгән заданиедән тыш әнә шуның кадәр тау токымы бораулап үтте.

Бу заказчылар - нефть һәм газ чыгару идарәләренә 115 урынына 117 скважина төзеп бирү мөмкинлеге тудырды. Гомуми уңышта ике бораулау цехының да өлеше зур. Бораулау мастерлары Риф Хуҗин, Ирек Сафиуллин (1 нче цех), Камил Фәсхетдинов (2 нче цех) җитәкләгән бригадалар предприятиедә иң зур күрсәткечкә иреште - 22790 - 20276шар метр җир катламы тиштеләр.