Азнакайда – язгы кыр эшләренә багышланган семинар бара

Бүген - 18 мартта , "Чатыр тау" хуҗалыгында язгы кыр эшләренә багышланган зона семинар-киңәшмәсе бара. Аны ТР авыл хуҗалыгы министры урынбасары Илдус Габдрахманов алып бара. Авыл хуҗалыгы белгечләре дистәләп районнан килгән җитәкчеләр, язгы кыр эшләренә җаваплы хезмәткәрләр белән әлеге өлкәдә лекцияләр белән чыктылар, фикер алышып, күпсанлы сорауларга җаваплар бирәләр. Соңыннан семинардагылар хуҗалыкның ашлык амбарында тәҗрибә уртаклашачак. Ике ел рәттән республика күләмендә иң күп икмәк үстерүче Азнакай игенчеләренең тәҗрибә уртаклашырлык эшләре күп.