Азнакайның «Лидер» спорт мәктәбе

Тасвирлама:
Татарстан Республикасы Азнакай муниципаль районының «Лидер» спорт мәктәбе 2010 елның 1 мартында ачылды. Директор булып Гәрәев Руслан Фирдәвис улы тора, ул ТРның физик культура һәм спорт отличнигы һәм милли көрәш буенча ТРның спорт мастеры. Аның җитәкчелегендә 101 хезмәткәр эшли.
Эш вакыты:
пн-сб 08:00-21:00
Телефон:
- 8 (85592) 53-2-53
Адресы:
Азнакай шәһ., Солтангалиев ур., 23

«Лидер» спорт мәктәбендә Азнакай халкы спортның тугыз юнәлеше белән актив шөгыльләнә: волейбол, баскетбол, футбол, йөзү, җиңел атлетика, өстәл теннисы, бадминтон, билбау көрәше, көрәш. Хәзерге вакытта спорт мәктәбендә спорт-сәламәтләндерү (СОГ), башлангыч әзерлек (НП), укыту-тренировка (УТГ) төркемнәрендә өстәмә белем бирү программаларын гамәлгә ашыручы 5 бүлек эшли. Спорт секцияләренә 721 бала йөри. Бүгенге көндә спорт мәктәбендә «Дельфин» бассейны һәм «Чатыр – тау Арена»спорт комплексы бар. Мәктәпнең инфраструктурасы һәм җиһазландырылуы тулы кыйммәтле укыту-тренировка процессын тәэмин итәргә мөмкинлек бирә. Укучылар һәм хезмәткәрләр карамагында: стадион, бассейн, чишенү бүлмәләре, душ бүлмәләре, 2 спорт залы, тренажер заллары, белгечлекләр буенча җайланмалар һәм спорт инвентаре. 2015 елның августында «Чатыр – тау арена»универсаль спорт залы төзелеп файдалануга тапшырылды. Анда командалы уен төрләре бүлекчәләреннән балалар шөгыльләнә. Спорт залы заманча спорт инвентаре белән җиһазландырылган. Тренажер залы бар. Спорт мәктәбендә иҗади, эшкә сәләтле коллектив эшли. Коллектив составында квалификацияле белгечләр, профессиональ педагоглар эшли. Гадәттәгечә ярышлар үткәрелә: Мәктәп укучыларының район спартакиадалары, спорт төрләре буенча урта мәктәп беренчелеге, турнирлар, ГТО һәм башка чаралар.