Рәхмәтуллин Фәрит Шәймулла улын 55 яшьлек юбилее белән котлыйбыз

²⁶⁵ Азнакайда туып, хәзер Мәнәвез авылында яшәүче туганыбыз, тормыш иптәшем, әтиебез, бабабыз Рәхмәтуллин Фәрит Шәймулла улының зур бәйрәме - 55 яшьлек юбилее.

Без барыбыз да сине ихлас күңелдән кабатланмас матур бәйрәмең белән котлыйбыз. 55 яшь әле ул бары 55 кыш, көз, җәй һәм яз гына.

Туганнар, дуслар белән шаулап-гөрләп шактый гомер үтелгән, күп эшләр эшләнгән сыман тоелса да, 55 яшь әле ул ир-ат өчен тормыш тәҗрибәсе туплаган бер чор, гомернең яртысы гына.

Ә алдагы көннәреңдә без сиңа хәзергедән дә матуррак тормыш, күп шатлыклар телибез.

Күңел тынычлыгы, һәрвакыттагыча күтәренке кәеф юлдаш булсын, киләчәктә дә эшеңдә уңышлар, ныклы сәламәтлек, гаилә иминлеге, тормыш юлдашың Рәсимә белән парлы, озын гомер итүеңне, балаларыңның, оныкларыңның кадер-хөрмәтен тоеп, аларның бәхетенә сөенеп яшәвеңне телибез.

Кызганма син үткән елларыңны, Яшәү үзе җирдә зур бәхет. Юбилеең белән котлап сине, Сәламәт бул дибез һәрвакыт.

Иң изге теләкләр белән: тормыш иптәшең, балаларың, оныкларың, әбиең, туганнарың.