Азнакайлылар юл йөрү кагыйдәләрен кечкенәдән өйрәнә

Бүген гимназия базасында урнашкан мәктәп яны лагерена йөрүче балалар өчен "Юл йөрү кагыйдәләрен бел һәм сакла!" чарасы оештырылды. ЮХИДИ бүлегенең пропаганда буенча инспекторы Илдар Исхаков балаларга яктылыкны кире кайтаручы элементлар күрсәтеп, аларны тагу ни өчен мөһим икәнлеген аңлатты һәм җәйге чорда юлда йөрү кагыйдәләре хакында сөйләде. Соңыннан балалар һәм яшь инспекторлар катнашында "Бала - төп пассажир", "Күренеп тор!" акцияләре уздырылды. Чара барышында укучылар машина йөртүчеләрне юл йөрү кагыйдәләрен төгәл үтәргә чакырып, тематик буклетлар таратты.

Альмира Сәгъдәтуллина, Юлларда хәвефсезлек программаларын финанслау дирекциясе филиалы җитәкчесе