Азнакайда яшь армиячеләр слеты узды
Балалар иҗаты үзәгендә 21 сентябрь “Халыкара тынычлык көне” уңаеннан Азнакай яшь армиячеләре слеты узды.
Әлеге чарада катнашучыларны район хәрби комиссары урынбасары Рушан Йосыпов, район мәгариф идарәсе җитәкчесе урынбасары Зөлфия Зарипова, “Яшь армиячеләр” хәрәкәтенең җирле бүлеге штабы начальнигы Ринат Җиһаншин сәламләделәр, яшь армиячеләргә укуларында, тормышларында уңышлар, иң әһәмиятлесе: илебез патриотлары булып үсүләрен теләделәр. Слет Ватанпәрвәрлек рухы белән сугарылган җыр һәм чыгышлар белән үрелеп барды. Хәрәкәт активистларын һәм җитәкчеләрен бүләкләү үзе бер бәйрәмгә әйләнде. Яшь армиячеләр үз осталыкларын (стройда атлау, автоматны җыеп-сүтү һәм башкалар) да күрсәттеләр. Бер төркем укучыларның тантаналы рәвештә ант итеп, “Яшь армиячеләр” сафына кабул ителүе күңелдә горурлык хисләре тудырды.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев