Авыру бәрәңгеләрне ачыкларга кирәк

ИА "Татар-информ", 26 сентябрь 2015 - 05:15

487

Россиядә бәрәңге - мөһим булган авыл хуҗалыгы культураларының берсе. Аны бигрәк тә "икенче икмәк" буларак, азык-төлек буларак үстерәләр. Терлек азыгы һәм техник максатлар өчен дә кулланалар. Бәрәңге - бик күп авыруга һәм корткычка дучар яшелчә. Гөмбәле чирләр - фитофтороз, ризоктониоз, гади кырчын (парша), альтернариоз, коры черек. Бактерияле авырулар: кара сабак,...

Бәрәңге - бик күп авыруга һәм корткычка дучар яшелчә. Гөмбәле чирләр - фитофтороз, ризоктониоз, гади кырчын (парша), альтернариоз, коры черек. Бактерияле авырулар: кара сабак, боҗралы һәм юеш черек. Паразитлар тарафыннан таралмый торган чирләр: бронзалы яфраклар, азот кысынкылыгы, фосфор кытлыгы, бүлбеләр һәм чечевичкалар үсеп җәелүе, бүлбеләр куышлыгы. Бәрәңге корткычлары - колорадо коңгызы,проволочник. Моннан тыш, карантин авырулар һәм корткычлар да бар. Шуларның берсе - бәрәңге яман шеше һәм алтынсыман бәрәңге нематодасы. Бәрәңге яман шеше - аеруча зыян сала торган карантин чир. Районлаштырылган яман шешкә каршы торучан сортлар булмаганда, бу авыру аркасында бәрәңге уңышы 60 процентка кадәр кимегән еллар бар. Бәрәңге бик нык зарарланганда, уңыш тулысы белән юкка чыга. Бәрәңгенең яман шеше Россиянең 27 субъектында билгеле. Әлеге чирне ачыклау һәм юк итү буенча чаралар уңыш җыйган чорда күрелә. Бу вакытта сабаклар, бүлбеләр тикшерелә. Бәрәңге яман шеше белән көрәштә карантин, агротехник һәм химик чаралар кулланыла.

Карантин объектлар яисә аның билгеләре ачыкланган очракта, әлеге объект хуҗасы бу хакта кичекмәстән "Россельхознадзор"ның территориаль идарәсенә хәбәр итәргә тиеш.

Марат Габделхаков,

Татарстан Республикасы буенча "Россельхознадзор" хезмәте дәүләт инспекторы

Следите за самым важным и интересным в Telegram-каналеТатмедиа

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!