Атларда да кеше йөрәкләре

Атларның кешеләргә тугрылыгы турында күп язалар. Үз күзләрең белән күрмәсәң, кайбер нәрсәләргә бик ышанып та бетәсе килми бит ул. Бу вакыйгага шактый еллар үтте инде. Элек колхозда эшкә ат җигеп йөриләр иде. Күрше авылдагы җизнәбезнең дә үзенә беркетелгән аты бар иде. Җизнәбез ир уртасы чагында чирләп вафат булды. Аны күмгән көнне ат абзардан качып, җизнәйләрнең ихатасына килде. Аннан зиратка менде, эчкә керәм дип ыргыла-бәргәләнә хайван. Куып та карадылар, һич китәм дими. Зират эченә кертмәгәч, күзләреннән яшьләр тәгәрәтеп, койма аша карап торды.

Расиха Сафиуллина

Фото pixabay.com