Азнакай терлекчеләре сөт кимүгә юл куймаска тиеш

Азнакай районы авыл хуҗалыгы һәм азык-төлек идарәсеннән алынган оператив мәгълүматларга караганда, чәршәмбе көнне район буенча бер көнгә савып алынган тулаем сөт 94 тонна тәшкил итә. Бер сыерга 12,1 литр сөт савып алынган.

Кызганычка каршы, районыбызның авыл хуҗалыгы берләшмәләрендә сөт савып алу темплары кими бара. Алдагы көн белән чагыштырганда район буенча 500 литр сөт кимегән.

Район буенча сөтне арттыруда үзләреннән саллы өлеш керткән "Союз-Агро", "Марс", "Габдрахманов Л.Г.", "Чатыр тау", "Таллы Бүләк", "Тукай","Азнакай" АФ" хуҗалыкларыннан аермалы буларак, " Победа", "Кәлимуллин И.А.", "Герой Кәримов Ф.Ш," (Чалпы), "Чалтаймас", " Шәвәлиев З.Г.", "Мөстәкыймов ис.", "Стәрле" хуҗалыкларының бер сыерга савып алган сөт күләме кәҗә сөтенә тиң. Бүген " Тукай" хуҗалыгында хуҗалык җитәкчеләре, белгечләр катнашында терлекчелек тармагына багышланган семинар уза.

"Сөт кимүгә ни өчен юл куелган? Әлеге тармакны табышлы итү юнәлешендә ниләр эшләргә? Семинарда хәл ителәсе иң җитди сораулар әнә шулар.