Азнакайда паллиатив ярдәм кабинеты ачылды

Әлеге чарада Анжела Вавилова Фонды идарәсе рәисе, Казан хосписы җитәкчесе, ТР Дәүләт Советы депутаты Владимир Вавилов, республика клиник онкология диспансеры баш табибы урынбасары, медицина фәннәре кандидаты Илсур Шәймарданов катнашты.

Паллиатив ярдәм кабинетлары Казан хосписының Россия Президенты грантын отуы ярдәмендә ачылалар.

Район башлыгы Марсель Шәйдуллин Владимир Вавиловка игелекле бүләк өчен рәхмәтен җиткерде.

Паллиатив ярдәм рак, хроник авыр чирләр белән авыручыларга күрсәтеләчәк. Кабинет барлык кирәкле медицина җиһазлары, дарулар һәм махсус машина белән тәэмин ителгән. Табиб һәм шәфкать туташы Казан хосписында бу юнәлештә эш тәҗрибәсе туплап кайтканнар.

Әлеге хакта тулырак “Маяк” газетасыннан укый аласыз.