Азнакайда район яшьләре арасында өстәл теннисы буенча ярышлар узды

Елның төп ярышларына санаулы көннәр калган саен, авыллары өчен чыгыш ясаган спортчы егет-кызларның да күңеле ут яна. 

— Үзеңә бирелгән ышанычны аклап, ничек тә сынатмаска кирәк! — диләр алар. 

Авыл яшьләре бүген 2 нче мәктәпкә җыелды. Биредә өстәл теннисы буенча сайлап алу ярышлары үтте. Ир-егетләр арасында да, хатын-кызлар арасында да уеннар бик киеренке барды. Аларга көч биреп торырга авылдашлары да килгән иде. Җирлек башлыклары да тынгысызлана, алтынга тиң балларны югалтасы килми шул.

Нәтиҗәдә, матур уен күрсәтеп, хатын-кызлар арасында Чубар Абдул, Чалпы, Кәкре Елга, Вахитов авыл җирлекләре уенчылары финалга чыкты.

Вахитов, Әлкәй, Әсәй, Чалпы авыл җирлекләре өчен чыгыш ясаган егетләр дә финал ярышларында янә очрашачаклар.