Азнакайда футболчыларны хөрмәтләделәр

5-7 декабрьдә Мамадыш шәһәрендә 2009-2010 елгы яшүсмерләр арасында мини-футбол буенча Татарстан Республикасы беренчелегенең финал уеннарында Азнакайның “Лидер” командасы икенче урынны яулаган иде.

Ир-атлар арасында барган республика беренчелегендә район җыелма командасы шулай ук икенче урынга лаек булды.

Әлмәттә республиканың көньяк-көнчыгыш шәһәрләре командалары арасында мини-футбол буенча “Пас в будущее” дип аталган турнирда 2016 елгы футболчылар командасы өченче урынга лаек булды.

Спортчылар тренер Радик Гатауллин да шөгыльләнәләр.

“Чатыр-тау Арена” спорткомплексында сезонга йомгак ясау чарасында район башлыгы Марсель Шәйдуллин да катнашты. Ул футболчыларны уңышлары белән тәбрикләп, яңадан-яңа җиңүләр теләде.

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!