Азнакаево
  • Рус Тат
  • Юлларга реагент нигә сибәләр икән?  Машиналар ашалып бетә бит

    Газетаның даими укучысы Марат Сабиров безгә әнә шундый сорау белән мөрәҗәгать итте. 

    Әлеге сорауга автомобиль юллары идарәсенең баш инженеры Илһам Шакиров җавап бирде:

    – Юлларга реагентлар Гадәттән тыш хәлләр министрлыгы кисәтүе һәм метеорология хезмәте мәгълүматлары нигезендә сибелә. Көн саен иртәнге 4 сәгатьтә чыгып, юлларның торышын тикшерәбез. Соңгы көннәрдә һава температурасы уйнау нәтиҗәсендә бозлавык хасил була. Безнең бурыч – транспорт хәрәкәте иминлеген тәэмин итү. Предприятие асфальт юлларга 20 процентлы тозлы-комлы катнашма һәм 22 процентлы тозлы су сибә. Әлегә бозлавыкка каршы башка чара уйлап табылмаган.

    Шулай ук юлларны кардан чистартуда 5 грейдер, төнге дежурда – 3, көндез 6 берәмлек махсус көйләнгән «КамАЗ» машиналары эшли. Көчле бураннар вакытына авыр техника да әзерлектә тора.

    фото: https://pixabay.com/

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: