Азнакайның чыгарылыш сыйныф укучылары агробелем өстенлекләре белән танышты - ФОТОРЕПОРТАЖ

Азнакай Балалар иҗаты үзәгендә өлкән сыйныф укучылары аграр профильдә укыту оешмалары вәкилләре белән очраштылар. Очрашу вакытында аграр уку йортлары вәкилләре белгечлекләр, имтихан бирү тәртибе һәм башкалар белән таныштырдылар.

Азнакай муниципаль район башлыгы урынбасары Наҗәт Нәгыймов һәм авыл хуҗалыгы идарәсе җитәкчесе урынбасары Фәнис Шәрәфиев авылга кайткан белгечләргә ярдәм чаралары, "Марс" хуҗалыгы җитәкчесе Рамил Зарипов үзенең яшь кадрлары турында сөйләде.

Юрист, икътисадчы кебек һөнәр ияләре эш таба алмый йөргәндә, авыл хуҗалыгы белгечләренә сорау зур булуын ассызыклады ул. Укучылар җитәкчеләр һәм уку йорты вәкилләренә үзләрен кызыксындырган сорауларын биреп, аңа җаваплар алдылар.