Азнакайда инглиз теле атналыгы бара

Район мәктәпләрендә инглиз теле атналыгы бара. Бүген Азнакай 5 нче урта мәктәбенә гимназия укучылары кунакка килде. Биредә алар атналык кысасында уртак чара үткәрделәр.

- Инглиз телен балалар бакчасыннан ук өйрәнәм. Бары "бишле"ләргә генә укыйм. Укытучыбыз Резеда Ренатовна дәресләрен көтеп алабыз. Бик кызыклы һәм кирәкле фән дип исәплим, - ди 5 нче мәктәпнең 5 нче сыйныф укучысы Аделина Гатауллина.

Айгиз Вәлиев исә олимпиадаларда да катнашып, белемен чарлый.

- Балаларны кече яшьтән үк өйрәтсәң чит телгә, алар аны тизрәк үзләштерәләр. Уеннар уйнарга, җырларга, шигырьләр ятларга, инценировкалар куярга, мультфильмнар карарга яраталар. Дәрестән соң түгәрәккә калып та белемнәрен арттыралар, - ди гимназия укытучысы Гүзәлия Мирсияпова.

Резеда Шәрипова