Азнакайның үрнәк гаиләсе «Нечкәбил 2021» конкурсында җиңү яулады

Әлеге фестивальдә Татарстанның 19 муниципаль районыннан һәм Казан шәһәреннән 25 гаилә катнашачак. Гаиләләр үзләренең гореф-гадәтләре һәм бәйрәмнәре, танышу һәм мәхәббәт тарихы турында сөйләячәкләр. Өч көнлек фестиваль  онлайн режимда узачак, гаиләләргә турыдан-туры социаль челтәрләргә тоташтырга мөмкинлек булачак. Конкурс биреме буенча «Искиткеч гаилә тормышы» дигән 5 минутлык видеопрезентация ясау мәҗбүри һәм башка төбәкләрдә яки илләрдә яшәүче туганнардан видео сәламнәр юллау каралган.

Фестивальнең беренче көнендә Татарстанның 9 гаиләсе катнашты, алар арасында Азнакай районыннан Хаҗиәхмәтовлар гаиләсе дә бар иде. Онлайн тавыш бирү нәтиҗәләре буенча Хаҗиәхмәтовлар "Тамашачыларныж симпатиясе" номинациясендә җиңүче булдылар. Төп номинацияләр буенча конкурска нәтиҗәләр 2 һәм 9 октябрьдә ясалачак. Иң яхшы гаиләләр Татарстан Республикасы Дәүләт Советына бүләкләү өчен чакырылачак.