Азнакайга концерт белән “Китап” радиосы килә

“Китап” радиосы республиканың берничә районында гөрләтеп концертлар уздырды. Ниһаять, безгә дә чират җитте: 28 июль көнне “Китап”чылар Азнакайга килә! 

Концертта татар эстрадасы артистлары – Гөлназ һәм Илсур Шәрипҗановлар, Илшат Сафин, баянчы – Ильяс Шәрипов, алып баручы Лилия Кадыйрова чыгыш ясаячак.

Концерт Татарстан мәйданында уздырылачак.

Программада:

– 17.00 сәгатьтә “Җәйләр ямьле китап белән” әдәби мәйданчык эшли башлый. Биредә китап сөючеләр белән очрашу уздырыла;

– шагыйрьләр, хикәя, юмор осталары чыгышлары;

– концерт номерлары;

– хәбәрчеләрне һәм җирле язучылар, шагыйрьләрне бүләкләү;

– балалар һәм өлкәннәр өчен милли уеннар оештырылачак.

Шунда ук китап күргәзмәсе (аларны сатып алу мөмкинлеге дә булачак), аттракционнар һәм сәүдә нокталары да эшләячәк.

Рәхәтләнеп җырлап-биеп күңел ачарга сез дә килегез!

0+