Теләкләрнең иң изгесе – Сиңа!

Зур Сукаеш авылында гомер итүче иң якын, иң хөрмәтле әниебез Шәйхулова Нәҗибә Галимҗан кызын 65 яшьлек юбилее белән котлыйбыз.

Әни безнең өчен иң кадерле, олы зат. Ул – әтиебез белән безне үстергән, аякка бастырган, борчылган, күпме куанычлар кичергән кеше. Ул – һәр көнне күңел җылылыгы бирүче, киләчәктә өмет, ныклык, таяныч булучы үрнәк. Ул бар туганнарны, кияү-киленнәрне, балаларны, оныкларны бер өстәл янында туплаучы. Бар гүзәл сыйфатларны үзенә туплаган: игелекле, миһербанлы, көчле рухлы, юмарт, сабыр кеше. Гомеренең 33 елын «Тырыш» колхозында баш бухгалтер булып эшләде. Хәзерге көндә авылыбызның ветераннар советы рәисе вазифасын башкара. Кадерлебез, сиңа алдагы көннәрдә дә сау-сәламәт булып, күңел көрлеге белән, кадер-хөрмәттә, бәхетле, мул тормышта әти белән тигез яшәргә язсын.

Теләкләрнең бары изгесен, яктысын чын күңелдән сиңа балаларың, кияү-киленнәрең, оныкларың юллый