Эчке эшләр органнары ветераны Нурулла Гобәйдуллин: “Сугышның бөтен ачысын татыган буын без”

- Бүген илебездә зур бәйрәм – Бөек Җиңүнең 78 еллыгын билгеләп үтәбез! Шәһәрдә, авылларда ел саен бәйрәм чаралары зурлап уздырыла. Быел да әлеге истәлекле көнне шулай бик зурлап билгеләп үтәбез, парадка килдем. Җиңү безгә бик авыр бирелде. 1418 көн барган сугышта күпме гомерләр кыелды?! Күпмесе кеше билгесез югалды... Шундыйлар арасында минем әтием дә бар. Ул сугышта һәлак булды. Әтием Ярулла Гобәйдуллин – Кәкре Елга авылы егете. Әни 32 яшендә биш бала белән торып кала. Без дөньяның бөтен авырлыкларын үткәргән кеше. 86 яшьне тудырдым. Бөтен район халкын әлеге зур, якты бәйрәмебез – Җиңү көне белән тәбрик итәм. Сәламәт булыйк, гаиләләрезгә иминлек насыйп булсын, - Нурулла ага Гобәйдуллин бәйрәм теләкләрен җиткерде.