Азнакай районы башлыгы Марсель Шәйдуллинның якынлашып килүче Рамазан ае уңаеннан мөрәҗәгате

Сезне ихлас күңелдән изге Рамазан ае белән тәбрик итәм! Рамазан ае – айларның солтаныдыр. Аны чиста күңел, изге ниятләр белән каршылыйк, гөнаһ-хаталарыбызга тәүбә итик. Аллаһының рәхмәте, мәрхәмәте арта торган әлеге көннәрне файдалы уздырыйк.  

Раббыбыз күңелләребезгә миһербан биреп, изге гамәлләр кылырга ярдәм итсен иде. Олы җанлылык күрсәтергә, мохтаҗларга, ятимнәргә, инвалидларга, ялгыз өлкәннәргә ярдәм кулы сузарга насыйп булсын. Бүгенге катлаулы вәзгыятьтә бу аеруча мөһим. Бер-беребезне хөрмәтләп, үзара ярдәмләшеп, үрнәк булып яшик. Аллаһы Тәгалә туган җиребезгә тыныч, имин тормыш насыйп итсен, бәрәкәтен бирсен һәм бәлаләрдән, газаплардан сакласын. Изге Рамазан ае  барчагызга да иминлек һәм күңел тынычлыгы китерсен!