Районда сугыш ветераннарына бәйрәм бүләкләре тапшырыла - ФОТО

Вагиз абый 1924 елда Сарлыда дөньяга килә. 1942 елда үзе теләп сугышка китә, Балтыйк флотында хезмәт итә, Ленинград сугышында катнаша. 1944 елда ул яраланып, туган авылына кайта.

Хезмәт юлын тулысы белән авыл хуҗалыгына багышлый - 1987 елга кадәр “Алга” колхозында агроном булып эшләп, шуннан лаеклы ялга чыга. Тырыш хезмәте өчен ул “Татарстанның Атказанган агрономы” исеменә лаек була.

Ветеран бүген дә тулы канлы тормыш белән яши. Дөнья яңалыклары, илебездә, районда барган үзгәрешләр, яңалыклар белән һәрчак кызыксынып тора.

– Өстәлләребез сый-нигъмәттән сыгылып тора, Аллага шөкер. Иллләребез тыныч булып, сугыш афәтен генә күрергә язмасын, – ди ул.