Азнакаево
  • Рус Тат
  • Азнакайда яшәүче сугыш ветераны Гыйльменур Җәләевага – 97 яшь

    Туган көне белән аны район башлыгы урынбасары Наҗәт Нәгыймов котлады.

    Районыбызда бүгенге көндә исән булган 23 сугыш ветераннарының берсе Гыйльменур апа. Ул 1942 елның гыйнварында хәрби хезмәткә алына. Фронтта аңа радист вазифасы йөкләнә. Гыйльменур Җәләева Брянск шәһәрен, Украина, Румыния, Чехословакия, Болгарияне фашистлардан азат итүдә катнаша. Элемтәче кыз Германия җиренә аяк басарга 20 чакрым калгач, сугыш бетә. Немецлар белән бәрелешләрдә батырлык үрнәкләре күрсәткәне өчен батарея командирының Рәхмәт хатларына, бүләкләргә лаек була ул, Ватан сугышы ордены белән бүләкләнә.

    Бүген ветеранның күкрәгендәге күпсанлы бүләкләр янына янә берсе – Җиңүнең 75 еллык юбилей медале өстәлде.

    Ни кызганыч, ветераннарыбыз саны кими бара. Әле 2-3 ай элек кенә сайтыбыздагы хәбәрләрдә аларның саны 24 дип язган идек.

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: