Азнакаево
  • Рус Тат
  • Азнакай районы Сәпәй авылы халкы үзенең батыр улларын искә алды

    Азнакай районы авылларында Бөек Ватан сугышы истәлегенә багышлап митинглар узды.

    (Азнакай, 9 май, Энҗе ГАЛӘВЕТДИНОВА) Яу кырында ятып калганнарның исемнәрен мәңгеләштергән һәйкәл янында күркәм, шул ук вакытта дулкынландыргыч чара оештырылган иде. Аны авыл халкын сәләмләве белән җирлек башлыгы Фәния Галиева ачып җибәрде. Авыл имам-хатыйбы Альберт хәзрәт Хөсәенов якташларыбыз рухларына багышлап дога кылды, изге теләкләрен җиткерде.

    Азнакай районы җитәкчелеге исеменнән сәпәйлеләрне  бәйрәм белән “Маяк” газетасының баш мөхәррире Фәрхәт Шәйхулов котлады.

    Чарада чыгыш ясаган авыл депутаты Наил Гәрәйшин, ветераннар советы рәисе Галия Хәева, инвалидлар берлеге рәисе Таһир Курамшин, элекке колхоз рәисе Ирек Әхмәтов һәм башкаларның да уй-фикере уртак булды: һәммәсе дә илебез азатлыгы өчен көрәшкәннәр, һәлак булганнарның исемнәре, алар кылган батырлыклар онытылмасын, яшь буынга җиткерелсен, күп кайгы-хәсрәтләр китергән сугыш бүтән кабатланмасын, дигән теләктә калдылар.

    Авылның хөрмәтле тыл ветераны, сугыш елларының авырлыгын үз җилкәсендә күтәргән Әминә Гыйлфанова үсмер чакларын искә алды.  Алдагы көннәребезнең аяз, тыныч булуын теләде.

    Аның теләкләренә кушылып, барлык җыелган халык мәңгелек ут һәйкәленә тантаналы төстә чәчәкләр куйды.

    Мәктәп укучылары, мәдәният йорты үзешчәннәре тарафыннан әзерләнгән концерт программасын халык күңеленә хуш килде.

    Чара мәктәп ашханәсендә ветераннар өчен әзерләнгән бәйрәм табыны артында җыр-моң белән үрелеп дәвам итте.

    Реклама
    Нравится
    Поделиться:
    Реклама
    Комментарии (0)
    Реклама
    • 24 май 2018 - 09:35
      Татарстан Президенты мундиаль вакытында Азнакай сувенирларын сатырга тәкъдим итте
    • Азнакай шәһәрендә Пионерия көнен билгеләп үттеләр
    • Азнакай шәһәрендә районы башлыгы Кубогына бадминтон буенча турнир узды
    • Азнакай районында Стәрле елгасы ярлары җимерелүен туктату максатыннан агачлар утыртылды
    • Азнакай шәһәредә ачык бассейнны төзекләндерәләр
    • "Эшкә - велосипедта" бөтенроссия акциясенә Азнакай да кушылды
    • "АЗНАКАЙның ҮЛЕМСЕЗ ПОЛКы" СМАРТМОБына СИН ДӘ КУШЫЛ
    Ночной режим