Азнакай хуҗабикәләренә: борай бәлеше

Камырга: 1 стакан сөт, 1 йомырка, 1 чәй калагы тоз, 2 аш калагы үсемлек мае, он. Ит бәлешенә кебек төче камыр басабыз.

Эчлеккә: 1 кг ит, 2 баш суган, 150 г ак май, 2 стакан борай ярмасы, 4 стакан су, тоз, борыч тәменчә.

Суганны ак майда кыздырабыз. Суда борайны пешереп алабыз. Барысын вак итеп туралган иткә салып, тоз, борыч кушып болгатабыз.

Камырны майлаган табага җәеп, эчлекне салып, бәлешне бөкеләп төрәбез. Духовкада 2 сәгать пешерәбез.