Хушлашу

Ул 1950 елның 1 гыйнварында Азнакай районы Яшләү авылында туа.
Кәкре Елга авылы урта мәктәбен тәмамлагач, Минзәлә совхоз техникумында һәм Казан авыл хуҗалыгы институтында агроном һөнәрен ала.
Төрле елларда Биектау районының «Алга» совхозында баш агроном, директор урынбасары, Азнакай районының «Октябрьнең 50 еллыгы» колхозында агроном, «Сельхоз химия» берләшмәсендә өлкән агроном, эшчеләрне тәэмин итү бүлегендә инженер булып эшли.
1987 елдан «Маяк» газетасы редакциясендә сәнәгать бүлеген алып барды.
«Гөлстан» әдәби берләшмәсен җитәкләгән чорда күп кенә яшь каләмчеләргә остаз булды.
Үзе дә лирик шигырьләре белән әдәбият сөючеләр күңелен яулады.
Нәфис Миңнегәрәй улы Гәрәйшинның якты истәлеге күңелләрдә мәңге сакланыр.
Авыр туфрагы җиңел булсын, гаиләсе, туганнарының тирән кайгысын уртаклашабыз, сабырлык телибез. 

«Маяк» газетасы редакциясе коллективы, ветераннары, «Гөлстан» әдәби берләшмәсе әгъзалары